രാജ്യത്തിന്റെ സാമ്പത്തിക പ്രതിസന്ധിയെ കൂടുതല് രൂക്ഷമാക്കി കൊവിഡ്-19 കൂടി കടന്നെത്തിയതിന് പിന്നാലെ കേന്ദ്രസർക്കാരിന് മുന്നറിയിപ്പുമായി രാഹുല് ഗാന്ധി. സാമ്പത്തിക മാന്ദ്യത്തെ തുടർന്ന് പ്രതിസന്ധിയിലായിരിക്കുന്ന ഇന്ത്യന് കമ്പനികളെ ലക്ഷ്യമിട്ട് വിദേശ ശക്തികള് കടന്നുകയറാന് ശ്രമം നടത്തുന്നുണ്ടെന്ന് രാഹുല് ഗാന്ധി മുന്നറിയിപ്പ് നല്കി. രാജ്യം വലിയ പ്രതിസന്ധിയെ അഭിമുഖീകരിക്കുന്ന ഈ കാലഘട്ടത്തില് ഇത്തരം കടന്നുകയറ്റ ശ്രമങ്ങളെ കേന്ദ്ര സര്ക്കാര് തടയണമെന്നും അദ്ദേഹം ചൂണ്ടിക്കാട്ടി.
‘രാജ്യത്തെ കടുത്ത സാമ്പത്തികമാന്ദ്യത്തെ തുടർന്ന് ദുര്ബലപ്പെട്ടിരിക്കുന്ന കോർപറേറ്റ് സ്ഥാപനങ്ങള് ഏറ്റെടുപ്പുകാരുടെ ശ്രദ്ധാകേന്ദ്രങ്ങളായിരിക്കുകയാണ്. രാജ്യം ഒരു വലിയ പ്രതിസന്ധിയിലായിരിക്കുന്ന ഈ സമയത്ത് വിദേശ ശക്തികളുടെ ഇത്തരം താല്പര്യങ്ങള് കേന്ദ്രം അനുവദിക്കാന് പാടില്ല’- രാഹുല് ഗാന്ധി ട്വീറ്റ് ചെയ്തു.
The massive economic slowdown has weakened many Indian corporates making them attractive targets for takeovers. The Govt must not allow foreign interests to take control of any Indian corporate at this time of national crisis.
— Rahul Gandhi (@RahulGandhi) April 12, 2020
എച്ച്.ഡി.എഫ്.സി ബാങ്കിലെ തങ്ങളുടെ ഓഹരികള് ചൈനീസ് കമ്പനിയായ പീപ്പിള്സ് ബാങ്ക് ഓഫ് ചൈന വലിയരീതിയില് വർധിപ്പിച്ചത് നേരത്തെ വാർത്തയായിരുന്നു. 1.75 കോടി ഷെയറുകളാണ് പീപ്പിള്സ് ബാങ്ക് ഓഫ് ചൈന (പി.ബി.ഒ.സി) കൈക്കലാക്കിയത്.