ഡല്ഹി: ലോകമെമ്പാടുമുള്ള ആരാധകര് ആവേശത്തോടെ കാത്തിരിക്കുന്ന അര്ജന്റീന ഇതിഹാസ താരം ലയണല് മെസിയുടെ ഇന്ത്യാ സന്ദര്ശനത്തിന്റെ പരിപാടികളുടെ പൂര്ണ്ണ പട്ടിക പുറത്തുവന്നു. ഈ മാസം 13, 14, 15 തീയതികളിലാണ് മെസി രാജ്യത്തെ വിവിധ നഗരങ്ങളില് നടക്കുന്ന പരിപാടികളില് സംബന്ധിക്കുക.
ഡിസംബര് 13-ന് പുലര്ച്ചെ 1.30-ന് അര്ജന്റീന നായകന് കൊല്ക്കത്തയില് വിമാനമിറങ്ങും. മിയാമിയില് നിന്ന് ദുബായ് വഴിയുള്ള ജെറ്റ് വിമാനത്തിലാണ് മെസി എത്തുക. മെസിക്കൊപ്പം യുറുഗ്വെ ഇതിഹാസം ലൂയീസ് സുവാരസ്, അര്ജന്റീനന് സഹതാരം റോഡ്രിഗോ ഡി പോള് എന്നിവരും ഇന്ത്യയിലെത്തും. കൊല്ക്കത്ത, മുംബൈ, ഡല്ഹി, ഹൈദരാബാദ് എന്നീ നഗരങ്ങളിലാണ് പ്രധാനമായും പരിപാടികള് തീരുമാനിച്ചിരിക്കുന്നത്. പ്രധാനമന്ത്രി നരേന്ദ്ര മോദിയുമായി മെസി കൂടിക്കാഴ്ച നടത്തും, കൂടാതെ സൗഹൃദ മത്സരങ്ങളും സംഘടിപ്പിക്കുന്നുണ്ട്.
‘ഗോട്ട് ടൂര്’ എന്ന് പേരിട്ടിരിക്കുന്ന പരിപാടിയുടെ ടിക്കറ്റ് നിരക്കുകളും പ്രഖ്യാപിച്ചിട്ടുണ്ട്. മുംബൈ ഒഴികെയുള്ള നഗരങ്ങളില് 4,500 രൂപ മുതലാണ് ടിക്കറ്റ് വില ആരംഭിക്കുന്നത്. മുംബൈയില് നിരക്ക് 8,250 രൂപ മുതലാണ്.
പരിപാടികളുടെ വിശദാംശങ്ങള്
ഡിസംബര് 13 (കൊല്ക്കത്ത, ഹൈദരാബാദ്)
ഡിസംബര് 14 (മുംബൈ)
ഡിസംബര് 15 (ഡല്ഹി)
ഇത് രണ്ടാം തവണയാണ് മെസി ഇന്ത്യയിലെത്തുന്നത്. നേരത്തെ 2011-ല് കൊല്ക്കത്തയില് വെനസ്വേലയ്ക്കെതിരായ സൗഹൃദ മത്സരത്തിനായാണ് താരം ആദ്യമായി ഇന്ത്യന് മണ്ണിലെത്തിയത്.
