ദുബായ് : യുഎഇയിലെ തമിഴ് റേഡിയോയായ ഗില്ലി എഫ് എമ്മിന്‍റെ സെയില്‍സ് മേധാവിയായ പ്രീതം പോള്‍ (39) ദുബായില്‍ കടലില്‍ കുളിക്കുന്നതിനിടെ മുങ്ങി മരിച്ചു. ബംഗ്‌ളൂര്‍ സ്വദേശിയാണ്. ദുബായിലെ ജുമൈറ ബീച്ചില്‍, ഇന്ന് രാവിലെ തന്‍റെ മൂന്ന് മക്കളോടൊപ്പം, കടലില്‍ കളിച്ച് കൊണ്ടിരിക്കുമ്പോഴായിരുന്നു ദുരന്തം. നേരത്തെ, മറ്റൊരു തമിഴ് എഫ് എം റേഡിയോയില്‍ സെയില്‍ ഹെഡായും പ്രവര്‍ത്തിച്ചിരുന്നു. സഹോദരിയുടെ ദുബായ് സന്ദര്‍ശനത്തോടനുബന്ധിച്ച്, കുടുംബ സഹിതം അതിരാവിലെ കടലില്‍ കുളിക്കുന്നിതിടെയാണ് സംഭവം. ഏറെ നേരമായിട്ടും കാണാതായ പ്രീതത്തെ പിന്നീട് , വെള്ളത്തില്‍ പൊങ്ങി കിടക്കുന്നതായി കണ്ടെത്തുകയായിരുന്നു. സൗദി-ജര്‍മ്മന്‍ ആശൂപത്രിയില്‍ മൃതദേഹം സൂക്ഷിച്ചിരിക്കുകയാണ്.
