ദുബായ് : കലാ-സാംസ്‌കാരിക കൂട്ടായ്മയായ ദുബായ് പ്രിയദര്‍ശിനി സംഘടിപ്പിക്കുന്ന മെഗാ രക്തദാന ക്യാമ്പ് ഒക്ടോബര്‍ 23 ഞായറാഴ്ച നടക്കും. ദുബായ് ലത്തീഫ് ആശുപത്രിയോട് ചേര്‍ന്നുളള ഹെല്‍ത്ത് അതോറിറ്റി ആസ്ഥാനത്ത് ഞായറാഴ്ച രാവിലെ ഒമ്പത് മുതല്‍ ഉച്ചയ്ക്ക് രണ്ടു വരെയാണ് രക്തദാന ക്യാമ്പ്.
മുന്‍ മന്ത്രി കെ.സി ജോസഫ് രാവിലെ 10 മണിക്ക് ക്യാമ്പ് ഉദ്ഘാടനം ചെയ്യും. ദുബായ് ഗവണ്‍മെന്‍റിന് കീഴിലെ കമ്മ്യൂണിറ്റി ഡെവലപ്‌മെന്‍റ് അതോറിറ്റി (സിഡിഎ) അംഗീകാരമുള്ള കൂട്ടായ്മയാണ് ദുബായ് പ്രിയദര്‍ശിനി.