തിരുവനന്തപുരം നഗരൂരില് പൊലീസ് ജീപ്പ് തടഞ്ഞ് ഉദ്യോഗസ്ഥരെ തെറിവിളിച്ച സംഭവത്തില് ഒന്പത് സിപിഎം, ഡിവൈഎഫ്ഐ പ്രവര്ത്തകര്ക്കെതിരെ കേസെടുത്തു. ജാമ്യമില്ലാ വകുപ്പ് ചുമത്തിയാണ് കേസ്. കോണ്ഗ്രസ് ഫ്ലക്സ് ബോര്ഡുകള് നശിപ്പിച്ചതില് പൊലീസ് കേസ് എടുത്തതാണ് പ്രകോപനത്തിലേക്ക് നയിച്ചത്.
നോട്ടീസ് നല്കാന് വീട്ടിലെത്തിയ എസ്എച്ച്ഒ ഉള്പ്പെടെയുളളവരെ ഡിവൈഎഫ്ഐ പ്രവര്ത്തകര് ഭീഷണിപ്പെടുത്തിയിരുന്നു. പിന്നാലെയാണ് കാര് ജീപ്പിന് കുറുകെയിട്ട് ഒരു സംഘം തെറിവിളിച്ചത്. ജാമ്യമില്ലാ വകുപ്പ് ചുമത്തിയാണ് കേസ് എടുത്തെങ്കിലും പ്രതികളെ പിടികൂടുന്നതില് പോലീസ് തുടര്നടപടി സ്വീകരിച്ചിട്ടില്ല.
