കാസർഗോഡ്: കാസര്‍ഗോഡ് പയ്യന്നൂർ നിയോജക മണ്ഡലത്തില്‍ യുഡിഎഫ് ബൂത്ത് ഏജന്‍റിനെ സിപിഎം പ്രവര്‍ത്തകര്‍ മര്‍ദിച്ചു. പയ്യന്നൂർ നിയോജക മണ്ഡലത്തിലെ എഴുപത്തി എട്ടാം നമ്പർ ബൂത്തിലെ യുഡിഎഫ് ബൂത്ത് ഏജന്‍റായ രഞ്ചിത്തിനെയാണ് മർദ്ദിച്ചത്. കള്ളവോട്ട് തടയാൻ ശ്രമിച്ചതിനെ തുടർന്നാണ് മർദ്ദനം. രഞ്ജിത്ത് സ്വകാര്യ ആശുപത്രിയിൽ ചികിത്സയിലാണ്.
തുടർന്ന് സ്ഥലത്തെത്തിയ യുഡിഎഫ് സ്ഥാനാർത്ഥി രാജ് മോഹൻ ഉണ്ണിത്താൻ സംഭവത്തില്‍ പ്രതിഷേധിച്ചു. കാറമ്മേൽ എൽ പി സ്കൂളിലാണ് അക്രമം നടന്നത്. 5 ഓളം പേർ കള്ളവോട്ടുകൾ ചെയ്യാൻ ശ്രമിച്ചതായി യുഡിഎഫ് ആരോപിച്ചു. കാസര്‍ഗോഡ് പാര്‍ലമെന്‍റ് മണ്ഡലത്തില്‍ വ്യാപകമായി കള്ളവോട്ടും ബൂത്ത് പിടിത്തവും സിപിഎം പ്രവര്‍ത്തകര്‍ നടത്തുന്നുണ്ടെന്ന് രാജ്മോഹന്‍ ഉണ്ണിത്താന്‍ പറഞ്ഞു.