കൊയിലാണ്ടി എംഎല്‍എ കാനത്തില്‍ ജമീലയുടെ വിയോഗത്തില്‍ പ്രതിപക്ഷ നേതാവ് വി.ഡി സതീശന്‍ അനുശോചിച്ചു. ത്രിതല പഞ്ചായത്ത് തലത്തില്‍ തുടങ്ങി നിയമസഭയില്‍ എത്തിയ ജനപ്രതിനിധിയായിരുന്നു കാനത്തില്‍ ജമീല. നിയമസഭയുടെ അവസാന സെഷനിലും സജീവമായിരുന്ന കാനത്തില്‍ ജമീലയുടെ വിയോഗം അപ്രതീക്ഷിതമാണെന്ന് അദ്ദേഹം പറഞ്ഞു.
കൊയിലാണ്ടി എം എല്‍ എ കാനത്തില്‍ ജമീലയുടെ നിര്യാണത്തില്‍ കോണ്‍ഗ്രസ് വര്‍ക്കിങ് കമ്മിറ്റി അംഗം രമേശ് ചെന്നിത്തല അനുശോചിച്ചു. മികച്ച ജനനേതാവും നിയമസഭാ സാമാജികയുമായിരുന്നു. കാനത്തില്‍ ജമീലയുടെ നിര്യാണം കേരള രാഷ്ട്രീയത്തിന് തന്നെ ഒരു നഷ്ടമാണ് എന്ന് അദ്ദേഹം പറഞ്ഞു.
