തീരദേശ ജനതയേയും കുട്ടനാടന്‍ കര്‍ഷകരെയും ഒരുപോലെ വഞ്ചിച്ച തോട്ടപ്പള്ളി കരിമണല്‍ ഖനനത്തെ കുറിച്ച് സിബിഐ അന്വേഷിക്കണമെന്ന് കെപിസിസി മുന്‍ പ്രസിഡന്റ്് വി എം സുധീരന്‍ ആവശ്യപ്പെട്ടു. കരിമണല്‍ കമ്പനിയുടെ തട്ടിപ്പിന് ഇടതു സര്‍ക്കാര്‍ പച്ചയായി ഒത്താശ ചെയ്തുകൊടുക്കുന്നു എന്ന് അദ്ദേഹം ആരോപിച്ചു. കരിമണല്‍ ഖനന വിരുദ്ധ ഏകോപന സമിതിയുടെ നേതൃത്വത്തില്‍ നടക്കുന്ന സത്യാഗ്രഹ സമരത്തിന്റെ നാലാം വാര്‍ഷികം ഉദ്ഘാടനം ചെയ്യുകയായിരുന്നു അദ്ദേഹം.
ജനങ്ങളെ ബാധിക്കുന്ന ദൈനംദിന വിഷയങ്ങളില്‍ എക്‌സിക്യൂട്ടീവും ലെജിസ്‌ലേറ്റിവ് പ്രവര്‍ത്തിക്കാത്ത സാഹചര്യത്തില്‍ ജുഡീഷ്യറിയുടെയും ഭാഗത്തുനിന്നാണ് നീതി പ്രതീക്ഷിക്കുന്നത്. എന്നാല്‍ ശരിയായ തീരുമാനം ഉണ്ടാകാന്‍ വൈകുന്നത് പൊതുസമൂഹത്തെ വേദനിപ്പിക്കുന്നുവെന്നും സമരത്തിന് പിന്നില്‍ എല്ലാക്കാലത്തും ഒപ്പമുണ്ടാകുമെന്നും സൂധീരന്‍ പറഞ്ഞു. ഏകോപന സമിതി ചെയര്‍മാന്‍ എസ് സുരേഷ് കുമാര്‍ സമരത്തിന് അധ്യക്ഷത വഹിച്ചു. ശാസ്ത്ര സെമിനാര്‍ ശ്രീധര്‍ രാധാകൃഷ്ണന്‍ ഉദ്ഘാടനം ചെയ്തു.
