അനിശ്ചിത കാല സമരത്തിൽ നിന്നും സ്വകാര്യ ബസുടമകൾ പിന്മാറി

Jaihind Webdesk
Monday, November 18, 2019

അനിശ്ചിത കാല സമരത്തിൽ നിന്നും സ്വകാര്യ ബസുടമകൾ പിന്മാറി. ഗതാഗത മന്ത്രി എ.കെ.ശശീന്ദ്രനുമായി നടത്തിയ ചർച്ചയിലാണ് തീരുമാനം. അനുഭാവപൂർണമായ തീരുമാനം പ്രതിക്ഷിക്കുന്നതായി ബസ് ഉടമകളുടെ പ്രതിനിധി സംഘം അറിയിച്ചു.  ഈ മാസം 20 മുതലാണ് ബസുടമകൾ സമരം പ്രഖ്യാപിച്ചിരിക്കുന്നത്. മിനിമം ചാർജ് പത്തു രൂപയാക്കുക, വിദ്യാർഥികളുടെ യാത്ര നിരക്ക് വർധിപ്പിക്കുക, പൊതു ഗതാഗത നയം രൂപീകരിക്കുക തുടങ്ങിയ ആവശ്യങ്ങൾ ഉന്നയിച്ചാണ് പണിമുടക്ക് പ്രഖ്യപിച്ചത്.