പത്തനംതിട്ട: ശബരിമല തീർത്ഥാടകർ സഞ്ചരിച്ച മിനി ബസ് മറിഞ്ഞ് നാല് വയസ്സുകാരൻ പ്രവീൺ മരിച്ചു. പത്തനംതിട്ട തുലാപ്പിള്ളി കണമലയിലാണ് സംഭവം. അപകടത്തില്‍ പതിനൊന്ന് പേർക്ക് പരിക്കേറ്റു. മൂന്ന് മണിയോടെയായിരുന്നു അപകടം. തമിഴ്നാട് തിരുവില്വാമല സ്വദേശികളാണ് അപകടത്തിൽ പെട്ടത്.
ശബരിമല ദർശനം കഴിഞ്ഞ് തിരികെ പോവുമ്പോഴായിരുന്നു സംഭവം. പതിവായി അപകടംനടക്കുന്ന സ്ഥലമാണതെന്ന് നാട്ടുകാരും പോലീസും പറഞ്ഞു. ബസിന്‍റെ നിയന്ത്രണം വിട്ട് മറിയുകയായിരുന്നു. അപകടത്തില്‍ നാല് വയസ്സുകാരൻ വാഹനത്തിന്‍റെ അടിയിൽപെടുകയായിരുന്നു. പരിക്കേറ്റവര സ്വകാര്യ ആശുപത്രിയിൽ എത്തിച്ചു.
