ന്യൂഡല്‍ഹി: രാജ്യത്ത് ഭരണഘടനയെയും ജനാധിപത്യത്തെയും ബി.ജെ.പി വെല്ലുവിളിക്കുകയാണെന്ന് കോണ്‍ഗ്രസ് വക്താവ് രണ്‍ദീപ് സിങ് സുര്‍ജേവാല. ജനാധിപത്യപരമായി തെരഞ്ഞെടുക്കപ്പെട്ട സര്‍ക്കാരിനെ ബിജെപി താഴെ ഇറക്കാന്‍ ശ്രമിക്കുകയാണ്. പല തവണ പല സംസ്ഥാനങ്ങളിലായി ഇത് തുടരുന്നു. 12 സംസ്ഥാനങ്ങളില്‍ ബിജെപി പണം കൊണ്ട് സര്‍ക്കാരുകളെ താഴെ ഇറക്കിയവരാണ്. ബിജെപി പണം നല്‍കി ജനാധിപത്യത്തെ വിലക്ക് വാങ്ങാന്‍ ശ്രമിക്കുന്നു
രാജ്യത്തിന്റെ പ്രധാനമന്ത്രി തന്നെ കൂറുമാറ്റത്തിന് നേതൃത്വം നല്‍കുന്നു. കര്‍ണാടകയില്‍ ബിജെപി നീക്കത്തില്‍ അപലപിക്കുന്നുവെന്നും അദ്ദേഹം വ്യക്തമാക്കി. ഭരണഘടന തൊട്ട് സത്യം ചെയ്ത പ്രധാനമന്ത്രി തന്നെ ഭരണ ഘടന തത്വങ്ങള്‍ ലംഘിക്കുന്നു. ഭരണ ഘടന സംരക്ഷിക്കേണ്ടവര്‍ തന്നെ ഈ നീക്കത്തിന് നേതൃത്വം നല്‍കിയാല്‍ ഭരണഘടനയെ ആര് സംരക്ഷിക്കും. വികൃതവും വികലവും ആസൂത്രിതവും എന്ന വാക്കുകള്‍ ചേര്‍ന്നതാണ് മോദി എന്ന് കോണ്‍ഗ്രസ് വക്താവ് രണ്‍ദീപ് സിംഗ് സുര്‍ജേവാല മാധ്യമപ്രവര്‍ത്തകരോടായി പറഞ്ഞു.