ഇംഫാല്: മണിപ്പൂർ തെരഞ്ഞെടുപ്പിലേക്കുള്ള സ്ഥാനാർത്ഥി പട്ടിക പ്രഖ്യാപിച്ചതിന് പിന്നാലെ ബിജെപിയില് കലാപം. സീറ്റ് ലഭിക്കാത്ത നേതാക്കളുടചെ അണികള് നരേന്ദ്ര മോദി അടക്കമുള്ള നേതാക്കളുടെ കോലം കത്തിക്കുകയും പാർട്ടി ഓഫീസുകള് അക്രമിക്കുകയും ചെയ്തു.
മുഴുവന് സീറ്റുകളിലക്കുമുള്ള സ്ഥാനാര്ത്ഥികളെ പ്രഖ്യാപിച്ചതിന് പിന്നാലെയാണ് മണിപ്പൂര് ബിജെപിയില് കലാപം രൂക്ഷമായത്. പ്രധാനമന്ത്രിയുടെയും മുഖ്യമന്ത്രി ബിരേണ് സിംഗിന്റെും കോലം കത്തിച്ച പ്രവര്ത്തകര് ബിജെപി ഓഫീസുകള് ആക്രമിച്ചു. പിന്നാലെ ഇംഫാലിലെ ബിജെപി ആസ്ഥാനത്തിന് സുരക്ഷ ഏര്പ്പെടുത്തി.
നേതാക്കള്ക്ക് സീറ്റ് നല്കാത്തതില് പ്രതിഷേധിച്ച് ബിജെപിയില് കൂട്ട രാജി നടന്നതായും റിപ്പോര്ട്ടുണ്ട്. മണിപ്പൂരിലെ സംഭവം ബിജെപി കേന്ദ്ര നേതൃത്വത്തെ ഞെട്ടിച്ചിരിക്കുകയാണ്. കഴിഞ്ഞ അഞ്ച് വര്ഷത്തിനിടെ പാര്ട്ടിയുടെ സ്വാധീനം വര്ധിച്ചുവെന്ന സംസ്ഥാന നേതൃത്വത്തിന്റെ വിലയിരുത്തലില് ഇക്കുറി ആരുമായും സഖ്യമില്ലാതെയാണ് മത്സരിക്കുന്നത്.