കൊല്ക്കത്ത : ചലച്ചിത്ര സംവിധായകനും തിരക്കഥാകൃത്തും കവിയുമായ ബുദ്ധദേബ് ദാസ്ഗുപ്ത അന്തരിച്ചു. കൊല്ക്കത്തയിലെ വസതിയില് ഇന്നു പുലര്ച്ചെ ആറിനായിരുന്നു അന്ത്യം. ഏറെ നാളായി കിഡ്നി സംബന്ധമായ പ്രശ്നങ്ങളാല് ചികിത്സയിലായിരുന്നു. ബുദ്ധദേബിന്റെ 5 ചിത്രങ്ങള് മികച്ച സിനിമയ്ക്കുള്ള ദേശീയ പുരസ്കാരങ്ങള്ക്ക് അര്ഹമായിട്ടുണ്ട്.
ബാഗ് ബഹാദൂര്, ചരച്ചാര് , ലാല് ദര്ജ, മോണ്ടോ മേയര് ഉപാഖ്യാന്, കല്പുരുഷ് എന്നിവയ്ക്കാണ് മികച്ച ചിത്രത്തിനുള്ള ദേശീയ പുരസ്കാരം ലഭിച്ചത്. ഉത്തര, സ്വപ്നെര് ദിന് എന്നീ ചലച്ചിത്രങ്ങളിലൂടെ മികച്ച സംവിധായകനുള്ള ദേശീയ പുരസ്കാരവും ബുദ്ധദേബിനെ തേടിയെത്തി. സ്പെയിന് ഇന്റര്നാഷനല് ചലച്ചിത്രമേളയില് ലൈഫ് ടൈം അച്ചീവ്മെന്റ് പുരസ്കാരവും ലഭിച്ചു.