ആലപ്പുഴയില്‍ ഐസ്‌ക്രീം കടയില്‍ പൊട്ടിത്തെറി; കട പൂര്‍ണ്ണമായും തകര്‍ന്നു

ആലപ്പുഴ പുളിങ്കുന്ന് ജങ്കാർ കടവിൽ ഐസ്ക്രീം കടയിൽ പൊട്ടിത്തെറി. കടയുടെ ഷട്ടറുകളും ഭിത്തിയും തകർന്നു. ഇതിനോട് ചേർന്നുള്ള ബേക്കറി കടയിലും നാശനഷ്ടങ്ങൾ ഉണ്ടായി. പുലർച്ചെ അഞ്ചു മണിയോടെയായിരുന്നു വലിയ ശബ്ദത്തോടെയുള്ള പൊട്ടിത്തെറി. പുളിങ്കുന്നു പോലീസ് സ്ഥലത്തെത്തി അന്വേഷണം തുടങ്ങി. അസ്വാഭാവികമായി ഒന്നുമില്ലെന്നും വലിയ ഫ്രീസറുകൾ പൊട്ടിത്തെറിക്കുകയാണ് ഉണ്ടായതെന്നുമാണ് പ്രാഥമിക വിവരം