സെക്രട്ടറിയേറ്റിന് മുന്നില്‍ അതിജീവന സമരം തുടരുന്ന ആശാവര്‍ക്കര്‍മാരുമായി ആരോഗ്യമന്ത്രി ഇന്ന് ചര്‍ച്ച നടത്തും.
ഐഎന്‍ടിയുസിയും സിഐടിയുവും ഉള്‍പ്പെടെ ആശാവര്‍ക്കര്‍മാരുടെ വിവിധ സംഘടനകളെയും ചര്‍ച്ചയ്ക്ക് വിളിച്ചിട്ടുണ്ട്. വൈകിട്ട് മൂന്ന് മണിക്ക് ആരോഗ്യമന്ത്രി വീണാ ജോര്‍ജിന്റെ ചേംബറിലാണ് ചര്‍ച്ച.
ആശമാരുടെ രാപ്പകല്‍ സമരം 53-ാം ദിനത്തിലേക്കും നിരാഹാര സമരം 15-ാം ദിനത്തിലേക്കും കടന്നു. ഇതിനിടയിലാണ് വീണ്ടും ചര്‍ച്ചയ്ക്ക് കളമൊരുങ്ങുന്നത്. ചര്‍ച്ചയില്‍ പ്രതീക്ഷയുണ്ടെന്നും പ്രഖ്യാപനങ്ങളോ ഉറപ്പുകളോ അല്ല ആവശ്യങ്ങള്‍ അംഗീകരിച്ചുകൊണ്ടുള്ള ഉത്തരവാണ് വേണ്ടതെന്ന നിലപാടിലാണ് സമരസമിതി.
