അബുദാബി : വാഹനാപകടത്തില് മരിച്ച മലയാളികളുടെ എണ്ണം അഞ്ചായി. ചികിത്സയില് കഴിഞ്ഞിരുന്ന ഒരു കുട്ടി കൂടി തിങ്കളാഴ്ച മരിച്ചതോടെയാണിത്. ഇതോടെ, ഒരു കുടുംബത്തിലെ നാല് സഹോദങ്ങള് അപകടത്തില് മരണപ്പെട്ടു. ഗുരുതരാവസ്ഥയില് ചികിത്സയില് കഴിഞ്ഞിരുന്ന അസ്സാം എന്ന എട്ട് വയസുകാരനാണ് മരണപ്പെട്ടത്. കോഴിക്കോട് വടകര കുന്നുമ്മക്കര സ്വദേശികളായ മാതാപിതാക്കള് അപകടത്തില് പരുക്കേറ്റ് ചികിത്സയിലാണ്. അതേസമയം, മരിച്ച വീട്ടുജോലിക്കാരി ബുഷറയുടെ മൃതദേഹം നാട്ടിലെത്തിച്ച് സംസ്കരിക്കും. നാല് സഹോദരങ്ങളുയെും മൃതദേഹം യുഎഇയില് സംസ്കരിക്കാനാണ് തീരുമാനം. അബുദാബി-ദുബായ് റോഡില് ഷഹാമയ്ക്ക് സമീപത്താണ് അപകടം നടന്നത്.
REPORT : ELVIS CHUMMAR, JAIHIND TV MIDDLE EAST BUREAU
