കൊച്ചി: ഫോർട്ട്കൊച്ചിയിൽ മൽസ്യ തൊഴിലാളിക്ക് കടലിൽ വച്ചു വെടിയേറ്റു. ആലപ്പുഴ അന്ധകാരനഴി സ്വദേശി സെബാസ്റ്റ്യനാണ് മൽസ്യ ബന്ധനം കഴിഞ്ഞു മടങ്ങവേ വെടിയേറ്റത്. ഇയാളുടെ ചെവിയ്ക്കാണ് പരിക്കേറ്റത്. ബോട്ടിൽ നിന്ന് വെടിയുണ്ട കണ്ടെത്തി. ഉടൻ തന്നെ മൽസ്യത്തൊഴിലാളികൾ ഇദ്ദേഹത്തെ ആശുപത്രിയിൽ എത്തിച്ചു. പരിക്ക് സാരമുള്ളതല്ലെന്നാണ് സൂചന. നാവികസേനയുടെ ഫയറിങ് പരിശീലനം നടത്തുന്ന പ്രദേശമാണിതെന്നാണ് പ്രാഥമിക റിപ്പോർട്ട്. എന്നാൽ, ബോട്ടുകൾ കടന്നുപോകുന്ന സ്ഥലത്ത് മുമ്പ് ഇത്തരം സംഭവമുണ്ടായിട്ടില്ല. ഇക്കാര്യങ്ങളെല്ലാം പരിശോധിക്കുന്നുണ്ട്. ഐഎൻഎസ് ദ്രോണാചാര്യക്ക് സമീപത്തുനിന്നാണ് വെടിയേറ്റതെന്നും പറയപ്പെടുന്നുണ്ട്. പരിശീലനത്തിന് ഉപയോഗിക്കുന്ന തരത്തിലുള്ള ബുള്ളറ്റാണ് ബോട്ടിൽ നിന്ന് ലഭിച്ചത്. പോലീസ് അന്വേഷണം ആരംഭിച്ചു.