കണ്ണൂർ : സഹപാഠിയായ പെണ്‍കുട്ടിക്കൊപ്പം നടന്നതിന് സ്കൂള്‍ വിദ്യാർത്ഥിക്കു നേരെ സദാചാര ഗുണ്ടായിസം നടത്തിയ ഡിവൈഎഫ്ഐ നേതാവ് അറസ്റ്റില്‍. ഡിവൈഎഫ്ഐ മൊകേരി മുത്താറി പീടിക യൂണിറ്റ് സെക്രട്ടറിയും സിപിഎം ബ്രാഞ്ച് കമ്മിറ്റി അംഗവുമായ നടമ്മൽ ഗോകുലത്തിൽ ജിനീഷിനെയാണ് പാനൂർ പൊലീസ് അറസ്റ്റ് ചെയ്തത്. തിങ്കളാഴ്ച ഉച്ചയ്ക്കായിരുന്നു സംഭവം. എസ്എസ്എൽസി മാതൃക പരീക്ഷ കഴിഞ്ഞ് സഹപാഠിയായ പെൺകുട്ടിക്കൊപ്പം മടങ്ങുകയായിരുന്ന വിദ്യാർത്ഥിയെ ഓട്ടോ ഡ്രൈവറായ ജിനീഷ് മർദ്ദിക്കുകയായിരുന്നു.
