ദുബായ് : ജൂൺ മാസത്തിന് ശേഷം യു.എ.ഇയിലെ ഷാർജയിൽ രാത്രി സമയത്തെ സഞ്ചാരങ്ങൾക്ക് വീണ്ടും നിയന്ത്രണം ഏർപ്പെടുത്തി. ഇതിന്‍റെ ഭാഗമായി രാത്രി പത്ത് മുതൽ രാവിലെ ആറ് വരെ സമയത്ത് ആരും പുറത്തിറങ്ങരുതെന്ന് അധികൃതർ വ്യക്തമാക്കി . താമസക്കാർ വീട്ടിലിരിക്കാനും കർശന നിർദ്ദേശം നൽകി.
കൊവിഡ് രോഗികളുടെ എണ്ണം യു.എ.ഇയിൽ വീണ്ടും വർധിക്കുന്ന പശ്ചാത്തലത്തിലാണിത്. അതേ സമയം ഷാർജയ്ക്ക് പിന്നാലെ മറ്റ് എമിറേറ്റുകളും രാത്രി നിയന്ത്രണം ഏർപ്പെടുത്തുമോയെന്ന് ഇപ്പോൾ വ്യക്തമാക്കിയിട്ടില്ല.
