ബിജെപി പ്രവർത്തകയ്ക്കെതിരെ ഭീഷണിയുമായി ശോഭാസുരേന്ദ്രൻ. ആലപ്പുഴ നോർത്ത് മുൻ ജില്ലാ വൈസ് പ്രസിഡന്റ് ബിന്ദു വിനയ്കുമാറിനെയാണ് ശോഭാ സുരേന്ദ്രൻ ഭീഷണിപ്പെടുത്തിയത്. പാലക്കാട് തെരഞ്ഞെടുപ്പിൽ പണം നൽകിയത് ബിന്ദുവാണന്നും ശോഭ ആരോപിച്ചു.
ബിജെപിക്ക് അകത്തെ പ്രശ്നങ്ങൾ ചൂണ്ടിക്കാട്ടി ബിന്ദു വിനയകുമാർ കഴിഞ്ഞദിവസം ഫേസ്ബുക്കിൽ കുറിപ്പ് പങ്കുവെച്ചിരുന്നു. ഇത് ശ്രദ്ധയിൽപ്പെട്ടപ്പോഴാണ് ബിന്ദുവിനെതിരെ ശോഭാസുരേന്ദ്രൻ ഭീഷണി മുഴക്കിയത്. സംഭവത്തിൽ കോടതി കയറ്റും,അടിച്ചു കാരണം പൊട്ടിക്കും ജീവിക്കാൻ അനുവദിക്കില്ലെന്നുമായിരുന്നു ഭീഷണി.
പാലക്കാട് തെരഞ്ഞെടുപ്പിൽ ശോഭാസുരേന്ദ്രൻ ആലപ്പുഴയിൽ നിന്ന് പൈസ പിരിച്ചിട്ടുണ്ടെന്ന് ബിന്ദു പറഞ്ഞു. ശോഭാ സുരേന്ദ്രന്റെ സ്വഭാവത്തിൽ പാലക്കാട് വോട്ടിന് പൈസ നൽകിയിട്ടുണ്ടാകും എന്നും ബിന്ദു ആരോപിച്ചു.
