ശബരിമല സ്വര്ണ്ണക്കൊള്ളക്കേസില് റിമാന്ഡില് കഴിയുന്ന തന്ത്രി കണ്ഠര് രാജീവരുടെ ജാമ്യാപേക്ഷ ഇന്ന് കൊല്ലം വിജിലന്സ് കോടതി പരിഗണിക്കും. സ്വര്ണ്ണ പാളികള് കൈമാറിയതിലെ ഗൂഢാലോചനയില് തന്ത്രിക്ക് നേരിട്ട് പങ്കുണ്ടെന്നാണ് പ്രത്യേക അന്വേഷണ സംഘത്തിന്റെ കണ്ടെത്തല്. പ്രതിക്ക് ജാമ്യം നല്കിയാല് തന്റെ ആത്മീയ പരിവേഷവും ഉന്നത സ്വാധീനവും ഉപയോഗിച്ച് സാക്ഷികളെ ഭീഷണിപ്പെടുത്തി തെളിവുകള് നശിപ്പിക്കുമെന്നാണ് എസ്ഐടി വാദം.
ഒന്നാം പ്രതി ഉണ്ണികൃഷ്ണന് പോറ്റിയുമായി തന്ത്രിക്കുള്ള സാമ്പത്തിക ഇടപാടുകളെക്കുറിച്ച് കൂടുതല് അന്വേഷണം ആവശ്യമാണെന്നും അന്വേഷണസംഘം കോടതിയെ അറിയിക്കും. എന്നാല് തന്ത്രിയെ കേസില് കുടുക്കിയതാണെന്നും അദ്ദേഹത്തിന് സ്വര്ണ്ണക്കൊള്ളയില് പങ്കില്ലെന്നുമാണ് പ്രതിഭാഗത്തിന്റെ വാദം.
