നിലമ്പൂരില്‍ പനി ബാധിച്ച് ആദിവാസി യുവതി മരിച്ചു. പനി ബാധിച്ച് ചികിത്സയിലായിരുന്ന 20 വയസുകാരി സുസ്മിതയാണ് മരിച്ചത്. പ്രാക്തന ഗോത്ര വിഭാഗമായ ചോലനായ്ക്കര്‍ സമൂഹത്തിലെ അംഗമായ സുസ്മിത കരുളായി ഉള്‍വനത്തിലുള്ള കുപ്പമല പാറ അളയിലാണ് കുടുംബത്തോടൊപ്പം താമസിച്ചിരുന്നത്.
മൂന്ന് ആഴ്ച മുമ്പാണ് സുസ്മിതയ്ക്ക് പനി തുടങ്ങിയത്. ആരോഗ്യനില മോശമായതിനെത്തുടര്‍ന്ന് കഴിഞ്ഞ വെള്ളിയാഴ്ചയാണ് യുവതിയെ നിലമ്പൂര്‍ ജില്ലാ ആശുപത്രിയില്‍ പ്രവേശിപ്പിച്ചത്. ശനിയാഴ്ചയോടെ സുസ്മിതയുടെ രക്തസമ്മര്‍ദ്ദവും ശരീരത്തിലെ ഓക്‌സിജന്റെ അളവും കുത്തനെ കുറഞ്ഞ് അതീവ ഗുരുതരാവസ്ഥയിലായി. തുടര്‍ന്ന് തീവ്രപരിചരണ വിഭാഗത്തിലേക്ക് മാറ്റിയെങ്കിലും ജീവന്‍ രക്ഷിക്കാനായില്ല.
