സംസ്ഥാനത്ത് ഇന്നും അതിതീവ്ര മഴ തുടരും. മലപ്പുറത്തും കോഴിക്കോടും വയനാടും കണ്ണൂരും കാസര്‍ഗോഡും റെഡ് അലര്‍ട്ട്. മറ്റെല്ലാ ജില്ലകളിലും ഓറഞ്ച് അലര്‍ട്ട്. നാളെ 11 ജില്ലകളിലാണ് റെഡ് അലര്‍ട്ട് പ്രഖ്യാപിച്ചിരിക്കുന്നത്. ജൂണ്‍ ഒന്ന് വരെ ശക്തമായ മഴ മുന്നറിയിപ്പുയണ്ട്.
കാലവര്‍ഷം കേരളത്തില്‍ എത്തിയെന്ന് കാലാവസ്ഥാ നിരീക്ഷണ കേന്ദ്രം ഇന്നലെ സ്ഥിരീകരിച്ചിരുന്നു. 16 വര്‍ഷങ്ങള്‍ക്കു ശേഷമാണ് കാലവര്‍ഷം ഇത്ര നേരത്തെ എത്തുന്നത്. കാലവര്‍ഷത്തിന്റെ ആദ്യ ദിനങ്ങളില്‍ തന്നെ അതിശക്തമായ മഴയാണ് ലഭിക്കുന്നത്. ഉരുള്‍പ്പൊട്ടല്‍, മണ്ണിടിച്ചില്‍, വെള്ളപ്പൊക്ക സാധ്യതകള്‍ കണക്കിലെടുത്ത് ജനങ്ങള്‍ ജാഗ്രത പാലിക്കണമെന്നും നിര്‍ദേശമുണ്ട്.
