സംസ്ഥാന സര്ക്കാരിന്റെ പിടിപ്പുകേടാണ് കേരളത്തില്‍ ലഹരി ഒഴുകുന്നതിന് കാരണമെന്ന് കോണ്‍ഗ്രസ് നേതാവ് കെ.മുരളീധരന്‍. ഒരു ഭാഗത്ത് ലഹരിക്കെതിരെ പ്രചരണം നടത്തുമെന്നു പറയുമ്പോള്‍ മറുഭാഗത്ത് ലഹരി ഒഴുകുകയാണെന്നും അദ്ദേഹം കുറ്റപ്പെടുത്തി.
വെള്ളപ്പള്ളി നടേശന്‍റെ മലപ്പുറം പ്രസ്താവനയെക്കുറിച്ചും അദ്ദേഹം പ്രതികരിച്ചു. അദ്ദേഹത്തിന്‍റെ പ്രസ്താവന തെറ്റാണെന്നും, ആ ഭൂപ്രദേശത്ത് മുന്‍കാലത്ത് എ.കെ ആന്റണി, ഗംഗാധരന്‍ എന്നിവര്‍ വിജയിച്ച ചരിത്രം ഓര്‍ക്കണം എന്നും അദ്ദേഹം തിരുവനന്തപുരത്ത് മാധ്യമങ്ങളോട് പ്രതികരിച്ചു.
