കൊച്ചി : കരിപ്പൂർ സ്വർണ്ണക്കടത്ത് കേസിൽ ഒരാൾ കൂടി അറസ്റ്റിൽ. കണ്ണൂർ തെക്കെ പാനൂർ സ്വദേശി അജ്മലിനെയാണ് കസ്റ്റംസ് അറസ്റ്റ് ചെയ്തത്. ഇയാൾ സ്വർണ്ണക്കടത്തിലെ പ്രധാനിയാണെന്നാണ് കസ്റ്റംസ് നിഗമനം.
കണ്ണൂർ തെക്കേ പാനൂരിലെ ഡിവൈഎഫ്ഐയുടെ മുൻ യൂണിറ്റ് ഭാരവാഹിയായ അജ്മലിനെ സ്വർണ്ണം പൊട്ടിച്ചതിന്‍റെ പേരിൽ ഒരു സംഘം ചോദ്യം ചെയ്ത് ഭീഷണിപ്പെടുത്തുന്ന ദൃശ്യങ്ങൾ നേരത്തെ പുറത്തുവന്നിരുന്നു. അജ്മലിന്‍റെ മാതാവ് സക്കീനയെ ഇന്നലെ കസ്റ്റംസ് ചോദ്യം ചെയ്ത് വിട്ടയച്ചിരുന്നു. സ്വര്‍ണ്ണം പൊട്ടിക്കലുമായി ബന്ധപ്പെട്ട് ഇയാള്‍ക്ക് പലപ്പോഴും സംരക്ഷണം ഒരുക്കിയത് അര്‍ജുന്‍ ആയങ്കിയും ആകാശ് തില്ലങ്കേരിയും ആയിരുന്നു എന്ന വിവരവും പുറത്തുവന്നിട്ടുണ്ട്.
