പാർലമെന്‍റിലും എതിർ ശബ്ദങ്ങളെ നിശബ്ദമാക്കാൻ നീക്കം. ഏഴ് കോൺഗ്രസ് എം.പിമാരെ സസ്പെന്റ് ചെയ്തു. രാജ് മോഹൻ ഉണ്ണിത്താൻ, ഡീൻ കുര്യാക്കോസ്, ടി.എൻ പ്രതാപൻ, ബെന്നി ബഹനാൻ ഉൾപ്പെടെയുളളവരെ ഈ സമ്മേളനകാലത്തേക്ക് സസ്പെന്റ് ചെയ്തു. ഡൽഹി കലാപ വിഷയത്തിൽ പാർലമെന്‍റിൽ പ്രതിഷേധിച്ചതിന്‍റെ പേരിലാണ് നടപടി.
ഗൗരവ്‌ ഗോഗോയ്, മാണിക്കം ടാഗോർ, ഗുർജീത് സിംഗ് ഓജ്‌ല എന്നിവരാണ് സസ്പെന്റ് ചെയ്യപ്പെട്ട മറ്റ് എംപിമാർ. ഇന്ന് ചെയറിലുണ്ടായിരുന്ന മീനാക്ഷി ലേഖിയാണ് സസ്പെൻഷൻ പ്രഖ്യാപിച്ചത്.