രാഹുൽ ഗാന്ധി എംപിയുടെ ഓഫീസ് ആക്രമിക്കുകയും ജീവനക്കാരെ മർദ്ദിക്കുകയും ചെയ്ത കേസിൽ 10 പേർ കൂടി അറസ്റ്റിൽ. ഇതോടെ അറസ്റ്റിലായവരുടെ എണ്ണം 29 ആയി. 2 പേർ വനിതകളാണ്. കൂടുതൽ അറസ്റ്റ് ഉണ്ടാകുമെന്ന് പോലീസ് പറഞ്ഞു. കേസന്വേഷണത്തിന് 24 അംഗ സംഘത്തെ ചുമതലപ്പെടുത്തിയിട്ടുണ്ട്. എന്നാൽ എംപിയുടെ ഓഫീസിൽ അക്രമ സംഭവം നടന്ന് 2 ദിവസം പിന്നിട്ടിട്ടും ഇതുവരെ ഓഫീസ് സന്ദർശിച്ച് നാശനഷ്ടങ്ങൾ കണക്കാക്കാനോ ദൃക്സാക്ഷികളുടെ മൊഴി എടുക്കാനോ പോലീസ് തയാറായിട്ടില്ല.