സംസ്ഥാനത്ത് കൊവിഡ് ബാധിച്ച് ഒരാള്‍ കൂടി മരിച്ചു. കോഴിക്കോട് മാവൂര്‍ സ്വദേശി സുലേഖ (56) ആണ് മരിച്ചത്. ഹൃദ്രോഗത്തിന് ചികിത്സയിലായിരുന്നു.   ഇതോടെ സംസ്ഥാനത്താകെ കൊവിഡ് മരണം 10 ആയി.

അതേസമയം സംസ്ഥാനത്ത് ഇന്ന് 61 പേര്‍ക്കുകൂടി കൊവിഡ് സ്ഥിരീകരിച്ചു. പാലക്കാട്-12, കാസര്‍കോട്-10, കണ്ണൂര്‍-7, ആലപ്പുഴ-6, കൊല്ലം-6, തിരുവനന്തപുരം-4, പത്തനംതിട്ട-4, തൃശൂര്‍-3, മലപ്പുറം-3, വയനാട്-3, കോഴിക്കോട്-2, എറണാകുളം-1 എന്നിങ്ങനെയാണ് കണക്ക്. ഇതില്‍ 20 പേര്‍ വിദേശത്തു നിന്നും 37 പേര്‍ മറ്റു സംസ്ഥാനങ്ങളില്‍ നിന്ന് എത്തിയവരാണ്. പാലക്കാട്, കൊല്ലം ജില്ലകളിലെ രണ്ടുപേര്‍ വീതം സമ്പര്‍ക്കം വഴി രോഗബാധിതരായി.