ലോക ബാഡ്മിന്‍റൺ ചാമ്പ്യൻഷിപ്പ് : എച്ച്. എസ് പ്രണോയ് രണ്ടാം റൗണ്ടില്‍

2018 ബാഡ്മിന്‍റൺ ലോക ചാമ്പ്യൻഷിപ്പ് പുരുഷ വിഭാഗം സിംഗിൾസ് ആദ്യ റൗണ്ട് മത്സരത്തിൽ ജയം സ്വന്തമാക്കി എച്ച്. എസ് പ്രണോയ്. ന്യൂസിലാന്‍റിന്‍റെ അഭിനവ് മനോട്ടയെ നേരിട്ടുള്ള ഗെയിമുകളിൽ പരാജയപ്പെടുത്തിയാണ് പ്രണോയ് അടുത്ത റൗണ്ടിലേക്ക് കടന്നത്. സ്‌കോർ : 21-12, 21-11., 28 മിനുട്ട് മാത്രം നീണ്ട മത്സരത്തിലാണ് പ്രണോയിയുടെ ആധികാരിക വിജയം. ചൈനയിലെ നാൻജിംഗിൽ ജൂലൈ 30 മുതൽ ഓഗസ്റ്റ് 5 വരെയാണ് മത്സരങ്ങൾ നടക്കുക.