കോഴിക്കോട്: വയനാടിന്റെ പ്രിയങ്കരി പ്രിയങ്കയ്ക്ക് അഭിനന്ദനവുമായി രാഹുല്‍ ഗാന്ധി. വയനാട്ടിലെ തന്റെ കുടുംബം പ്രിയങ്കയില്‍ വിശ്വാസമര്‍പ്പിച്ചതില്‍ അഭിമാനം തോന്നുന്നുവെന്ന് രാഹുല്‍ ഗാന്ധി പറഞ്ഞു. രാഹുല്‍ എക്‌സില്‍ പങ്കുവെച്ച പോസ്റ്റില്‍ ധൈര്യത്തോടെയും അനുകമ്പയോടെയും വയനാട്ടില്‍ പുരോഗതിയും സമൃദ്ധിയും എത്തിക്കാന്‍ പ്രിയങ്ക നയിക്കുമെന്ന് തനിക്കറിയാമെന്നും പറഞ്ഞു. രണ്ടുദിവസത്തിനകം വയനാട്ടിലെത്തുമെന്ന് പ്രിയങ്ക ഗാന്ധി അറിയിച്ചു.
4,10,931 എന്ന മഹാഭൂരിപക്ഷത്തേടെ 2024 ലെ ലോക്സഭാ തിരഞ്ഞെടുപ്പില്‍ രാഹുല്‍ഗാന്ധി നേടിയ ഭൂരിപക്ഷത്തെ മറികടന്നാണ് പ്രിയങ്കയുടെ വിജയം.
