‘പ്രവാസികൾ പ്രിയപ്പെട്ടവരാണ്,അന്നും ഇന്നും’; യൂത്ത് കോണ്‍ഗ്രസ് ‘യൂത്ത് കെയര്‍’ ഇനി ജിസിസിയിലും

Jaihind News Bureau
Monday, April 13, 2020

 

യൂത്ത് കോണ്‍ഗ്രസ് യൂത്ത് കെയര്‍ ക്യാമ്പയിനിന്റെ ഭാഗമായുള്ള പ്രവര്‍ത്തനങ്ങള്‍ ഇനി ജിസിസിയിലും ഉണ്ടാകുമെന്ന് സംസ്ഥാന അധ്യക്ഷന്‍ ഷാഫി പറമ്പില്‍ എംഎല്‍എ. പ്രവാസികള്‍ അന്നും ഇന്നും പ്രിയപ്പെട്ടവരാണ്‌. പല പ്രയാസങ്ങളിലും നാടിന് താങ്ങും തണലുമായവർ ഇന്ന് വലിയ പ്രതിസന്ധിയിലൂടെ കടന്ന് പോകുമ്പോൾ യുവതയുടെ കരുതൽ നിങ്ങൾക്കൊപ്പം ഉണ്ടാകണമെന്ന് യൂത്ത് കോൺഗ്രസ് ആഗ്രഹിക്കുന്നുവെന്നും അദ്ദേഹം ഫെയ്സ്ബുക്കില്‍ കുറിച്ചു.  പ്രവാസികളുടെ ആവശ്യങ്ങള്‍ക്കായി യൂത്ത് കോണ്‍ഗ്രസ് പ്രവര്‍ത്തകര്‍ ആത്മാര്‍ത്ഥമായി കൂടെയുണ്ടാകുമെന്നും അദ്ദേഹം ഫെയ്‌സ്ബുക്ക് ലൈവില്‍ പറഞ്ഞു.