കല്പ്പറ്റ: വയനാട് കല്പ്പറ്റയില് ഉരുള്പൊട്ടല് ദുരന്തബാധിതരുടെ പ്രതിഷേധം. ചൂരല്മല, മുണ്ടക്കൈ ഉരുള്പൊട്ടല് ദുരന്തബാധിതരാണ് കളക്ടറേറ്റിനു മുന്പില് പ്രതിഷേധ ധര്ണ നടത്തുന്നത്. ജനശബ്ദം ജനകീയ ആക്ഷന് കമ്മിറ്റിയുടെ നേതൃത്വത്തിലാണ് ധര്ണ്ണ. പുനരധിവാസത്തിലെ സര്ക്കാരിന്റെ മെല്ലെ പോക്കിനെതിരെയാണ് പ്രതിഷേധം.ഉരുള്പൊട്ടല് ദുരന്തം ഉണ്ടായി മൂന്ന് മാസം പൂര്ത്തിയാകുമ്പോഴാണ് ദുരന്തബാധിതര് സമര രംഗത്ത് ഇറങ്ങുന്നത്. മൂന്ന് വാര്ഡുകളിലെ മുഴുവന് ആളുകളെയും ദുരന്തബാധിതരായി പ്രഖ്യാപിക്കണമെന്നും സമരസമിതി ആവശ്യപ്പെടുന്നുണ്ട്. കേന്ദ്രസര്ക്കാര് ഉടന് പാക്കേജ് അനുവദിക്കണമെന്നും ആക്ഷന് കമ്മിറ്റി ആവശ്യപ്പെട്ടിട്ടുണ്ട്.