ന്യൂഡല്‍ഹി: വയനാട് രാത്രിയാത്രാ നിരോധനം തുടരും. ഉരുള്‍പൊട്ടലിന്‍റെ പശ്ചാത്തലത്തില്‍ ദുരിതാശ്വാസ പ്രവര്‍ത്തനത്തിന് ആളുകള്‍ക്ക് എത്തുന്നതിനും അവശ്യ സാധനങ്ങള്‍ എത്തിക്കുന്നതിനും ഇളവ് അനുവദിക്കണമെന്ന ആവശ്യം കേന്ദ്രം തള്ളി. ബന്ദിപ്പൂര്‍ കടുവാ സങ്കേതത്തിലൂടെയുള്ള ദേശീയപാത 766ലെ രാത്രിയാത്രാ നിരോധനത്തില്‍ ഇളവ് അനുവദിക്കണമെന്ന ആവശ്യമാണ് കേന്ദ്ര വനംപരിസ്ഥിതി മന്ത്രി ഭൂപേന്ദ്ര യാദവ് തള്ളിയത്. രാജ്യസഭാംഗം ഹാരിസ് ബീരാന്‍ ആണ് മൈസൂര്‍ സുല്‍ത്താന്‍ ബത്തേരി ഹൈവേയില്‍ രാത്രിയാത്രയില്‍ ഇളവ് അനുവദിക്കണമെന്ന് ആവശ്യപ്പെട്ടത്.