പാലക്കാട് : സംസ്ഥാനത്ത് കൊവിഡ് ഭീഷണി നിലനില്‍ക്കുന്ന സാഹചര്യത്തില്‍ പരീക്ഷകളുമായി മുന്നോട്ടുപോകുന്ന യൂണിവേഴ്സിറ്റി നടപടിയില്‍ ഉചിതമായ തീരുമാനം എടുക്കാന്‍ സര്‍ക്കാര്‍ തയാറാകണമെന്ന് യൂത്ത് കോണ്‍ഗ്രസ് സംസ്ഥാന അധ്യക്ഷന്‍ ഷാഫി പറമ്പില്‍ എംഎല്‍എ.
രോഗികളുടെ എണ്ണവും ടിപിആർ റേറ്റും വർധിച്ചു നിൽക്കുന്ന സാഹചര്യത്തിൽ വിവിധ യൂണിവേഴ്സിറ്റികൾ പരീക്ഷകളുമായി മുന്നോട്ട് പോകുന്നതിൽ വിദ്യാർത്ഥികളിലും രക്ഷകർത്താക്കളിലും വ്യാപക ആശങ്കയുണ്ട്. ഇത് പരിഹരിക്കാൻ സർക്കാർ ഇടപെടണമെന്നാവശ്യപ്പെട്ട് ഷാഫി പറമ്പില്‍ മുഖ്യമന്ത്രി പിണറായി വിജയന് കത്തയച്ചു.