സംസ്കൃത സർവകലാശാലയിൽ വീണ്ടും അനധികൃത നിയമനം ; പരാതി

Jaihind Webdesk
Wednesday, September 22, 2021

കൊച്ചി : കാലടി സംസ്കൃത സർവകലാശാലയിൽ ചട്ടങ്ങൾ ലംഘിച്ച് വീണ്ടും അനധികൃത നിയമനം. വിജ്ഞാപനം പോലും പ്രസിദ്ധീകരിക്കാതെ പബ്ലിക്കേഷൻ ഓഫിസർ തസ്തികയിലേക്ക് ഒരു വർഷത്തെ താൽക്കാലിക നിയമനം നടത്തിയെന്നാണു പരാതി. സർവകലാശാലയിലെ മലയാളം വിഭാഗത്തിലെ ഗസ്റ്റ് അധ്യാപകനാണ് നിയമനം നൽകിയത്.

പബ്ലിക്കേഷൻ വിഭാഗം ശക്തിപ്പെടുത്താനായി ഓഫിസറെ നിയമിക്കാൻ സർവകലാശാലാ സിൻഡിക്കറ്റ് തീരുമാനമെടുത്തത് ഓഗസ്റ്റ് മുപ്പതിനാണ്. എന്നാൽ, നടപടിക്രമങ്ങൾ പാലിക്കാതെ ഈ തസ്തികയിൽ നിയമനം നടത്തി റജിസ്ട്രാർ തിങ്കളാഴ്ച ഉത്തരവിറക്കുകയായിരുന്നു. തസ്തികയുടെ അധികച്ചുമതല നൽകിയിരുന്ന അധ്യാപികയെ നീക്കുന്നതായും ഉത്തരവിലുണ്ട്. ഉത്തരവിറങ്ങിയ ശേഷമാണു നിയമനവിവരം സിൻഡിക്കറ്റ് അംഗങ്ങൾ അറിഞ്ഞത്.