കണ്ണൂരിലെ യുഡിഎഫ് സ്ഥാനാര്‍ത്ഥി കെ.സുധാകരനു നേരെ അസഭ്യവര്‍ഷവും ഭീഷണിയുമായി സി.പി.എംപ്രവര്‍ത്തകര്‍. തെരഞ്ഞെടുപ്പ് പ്രചാരണ വാഹനവ്യൂഹത്തെ തടയാനും ശ്രമം നടത്തി. ധര്‍മ്മടം നിയോജക മണ്ഡലത്തിലെ കുഴിമ്പാലോട് വച്ചാണ് സംഭവം.
അഞ്ചരക്കണ്ടി യു.ഡി എഫ് തെരഞ്ഞെടുപ്പ് കമ്മിറ്റി ചക്കരക്കല്ല് പൊലിസില്‍ പരാതി നല്കി. കുഴിമ്പാലോട് സ്വീകരണ പരിപാടി കഴിഞ്ഞതിനുശേഷം ഓടത്തില്‍ പീടികയിലേക്ക് പ്രചരണവുമായി നീങ്ങുമ്പോള്‍ സിപിഎം ലോക്കല്‍ കമ്മിറ്റി അംഗം വി എം പ്രശാന്ത് ബാബുവിനെ നേതൃത്വത്തില്‍ സംഘടിച്ചെത്തിയ സിപിഎം പ്രവര്‍ത്തകര്‍ കെ.സുധാകരന്‍ ഉള്ള വാഹനം തടഞ്ഞ് അസഭ്യവര്‍ഷം നടത്തുകയും സ്ഥാനാര്‍ത്ഥിക്ക് നേരെ വെല്ലുവിളി ഉയര്‍ത്തുകയുമാണ് ഉണ്ടായത്. യു ഡി എഫ് പ്രവര്‍ത്തകര്‍ എത്തിയപ്പോള്‍ സി പി എം പ്രവര്‍ത്തകര്‍ പിരിഞ്ഞു പോകുകയായിരുന്നു.
