തിരുവനന്തപുരം : കോണ്‍ഗ്രസ് നേതാവും യൂത്ത് കോണ്‍ഗ്രസ് മുന്‍ അഖിലേന്ത്യ അധ്യക്ഷനും രാജ്യസഭാംഗവുമായിരുന്ന രാജീവ് സതാവിന്‍റെ നിര്യാണത്തില്‍ രമേശ് ചെന്നിത്തല അനുശോചിച്ചു.
മഹാരാഷ്ട്രയിലും അഖിലേന്ത്യാ തലത്തിലും വര്‍ഗീയ ഫാസിസ്റ്റുകള്‍ക്കെതിരായ പോരാട്ടത്തില്‍ ഇന്ത്യന്‍ നാഷണല്‍ കോണ്‍ഗ്രസിന്‍റെ മുന്നണിപ്പോരാളിയായിരുന്നു രാജീവ് സതാവ്. മഹാരാഷ്ട്രയില്‍ ബിജെപി ഭരണം അവസാനിപ്പിക്കാനും കോണ്‍ഗ്രസിന് പങ്കാളിത്തമുള്ള സര്‍ക്കാര്‍ രൂപീകരിക്കാനും രാജീവ് സതാവ് നല്‍കിയ സംഭാവനകള്‍ വലുതായിരുന്നു. ഒരു ഇളയ സഹോദരനോടെന്ന പോലെയുള്ള അടുപ്പുമാണ് സതാവുമായി ഉണ്ടായിരുന്നതെന്ന് രമേശ് ചെന്നിത്തല അനുസ്മരിച്ചു.
യൂത്ത് കോണ്‍ഗ്രസ് ദേശീയ അധ്യക്ഷനെന്ന നിലയിലും വിവിധ സംസ്ഥാനങ്ങളുടെ ചുമതലയുള്ള എഐസിസി സെക്രട്ടറി എന്ന നിലയിലുമെല്ലാം വലിയ സംഭവാനകളാണ് അദ്ദേഹം കോണ്‍ഗ്രസ് പ്രസ്ഥാനത്തിന് നല്‍കിയത്. രാജീവ് സതാവിന്‍റെ നിര്യാണത്തിലൂടെ കരുത്തനായ ഒരു നേതാവിനെയാണ് രാജ്യത്തിനും പാര്‍ട്ടിക്കും നഷ്ടമായിരിക്കുന്നതെന്നും രമേശ് ചെന്നിത്തല അനുശോചന സന്ദേശത്തില്‍ പറഞ്ഞു.