ന്യൂഡൽഹി: കേരളത്തിന് എയിംസ് അനുവദിക്കുന്നതിനുള്ള നടപടിക്രമങ്ങൾ വേഗത്തിലാക്കണമെന്ന് എം.കെ. രാഘവൻ എംപി പാർലമെന്‍റിൽ റൂൾ 377 പ്രകാരം ആവശ്യപ്പെട്ടു. എയിംസിനായി കോഴിക്കോറ്റ് പാർലമെന്‍റ് മണ്ഡലത്തിൽ കിനാലൂരിൽ സംസ്ഥാന സർക്കാർ സ്ഥലം കണ്ടെത്തിയിട്ടുണ്ടെന്നും, ഭൂമിയേറ്റെടുക്കൽ നടപടികൾ പൂർത്തിയായെന്നും എംപി വ്യക്തമാക്കി. ത്രിതല ആരോഗ്യ സംവിധാനങ്ങളുടെ അപര്യാപ്ത നേരിടുന്ന മലബാർ മേഖലയുടെ ആരോഗ്യ മേഖലയ്ക്ക് എയിംസ് മുതൽകൂട്ടാവുമെന്നും എംപി പാർലമെന്‍റിൽ വ്യക്തമാക്കി.