ഷാര്‍ജ : ഭരണാധികാരിയുടെ മകന്‍ ഷെയ്ഖ് ഖാലിദ് ബിന്‍ സുല്‍ത്താന്‍ അന്തരിച്ചു. ലണ്ടനില്‍ വെച്ചായിരുന്നു മരണമെന്ന് ഷാര്‍ജ റൂളേഴ്‌സ് കോര്‍ട്ട് അറിയിച്ചു. ഇതേ തുടര്‍ന്ന് , യുഎഇയില്‍ മൂന്ന് ദിവസത്തേയ്ക്ക് ഔദ്യോഗിക ദുഃഖാചരണം നടത്തുമെന്ന് യുഎഇ പ്രസിഡണ്ടന്‍ഷ്യല്‍കാര്യ മന്ത്രാലയം അറിയിച്ചു. സര്‍ക്കാര്‍ ഓഫീസുകളിലും മറ്റും സ്ഥാപിച്ച യുഎഇയുടെ ദേശീയ പതാകകള്‍ പകുതി താഴ്ത്തി കെട്ടി. ലണ്ടനില്‍ നിന്ന് മൃതദേഹം എത്തുന്ന സമയവും കബറടക സമയവും പിന്നീട് പ്രഖ്യാപിക്കും. യുഎഇയില്‍ ഈ ദിവസങ്ങളില്‍ സംഘടിപ്പിക്കാന്‍ നിശ്ചിയിച്ച ആഘോഷ പരിപാടികളും ഇതോടൊപ്പം മാറ്റിവെയ്ക്കാനാണ് തീരുമാനമെന്ന് അറിയുന്നു.