തിരുവനന്തപുരം: നിയമവും ചട്ടവും നോക്കാതെ ഏകപക്ഷീയമായി പ്രവര്ത്തിക്കുന്ന പിണറായി സര്ക്കാരിന് കോടതിയില് നിന്നേറ്റ തുടര്ച്ചയായ രണ്ടാമത്തെ പ്രഹരമാണ് ജീവനക്കാരുടെ ശമ്പളം പിടിക്കാനുള്ള തീരുമാനത്തിനെതിരെ കോടതിയില് നിന്നും ഉണ്ടായതെന്ന് മുന് മുഖ്യമന്ത്രി ഉമ്മന് ചാണ്ടി.
കൊവിഡ് 19 പ്രതിരോധ പ്രവര്ത്തനങ്ങളില് പൂര്ണ പിന്തുണയാണ് സര്ക്കാരിനു യുഡിഎഫ് നല്കിയത്. എന്നാല് ആരെയും വിശ്വാസത്തിലെടുക്കാതെ, അധികാരമുള്ളപ്പോള് എന്തുമാകാമെന്ന സമീപനത്തോടെ സര്ക്കാര് മുന്നോട്ടുപോകുകയാണ് ചെയ്യുന്നത്. ജനാധിപത്യ മര്യാദകള് പാലിക്കാന് സര്ക്കാര് ഇനിയെങ്കിലും തയാറാകണം. ആരോഗ്യപ്രവര്ത്തകര്, പൊലീസുകാര് തുടങ്ങിയവര് ഉള്പ്പെടുന്ന സര്ക്കാര് ജീവനക്കാരും കൊവിഡ് 19നെതിരായ പോരാട്ടത്തില് ശക്തമായ പിന്തുണയാണ് നല്കുന്നതെന്ന് മറക്കരുതെന്നും ഉമ്മന് ചാണ്ടി ആവശ്യപ്പെട്ടു.