തിരുവനന്തപുരം: പ്രമുഖ പത്രപ്രവര്‍ത്തനകനും, ദ ഹിന്ദുവിന്‍റെ തിരുവനന്തപുരം സ്‌പെഷ്യല്‍ കറസ്‌പോണ്ടന്‍റുമായിരുന്ന ജി മഹാദേവന്‍റെ നിര്യാണത്തില്‍ പ്രതിപക്ഷ നേതാവ് രമേശ് ചെന്നിത്തല അനുശോചിച്ചു. വ്യക്തിപരമായി ഏറെ അടുപ്പമുള്ളയാളായിരുന്നു അദ്ദേഹം. കേരളത്തിലെ പുതിയ തലമുറയിലെ ഏറ്റവും പ്രഗല്‍ഭനായ മാധ്യമ പ്രവര്‍ത്തകരിലൊരാളായിരുന്ന അദ്ദേഹത്തിന്‍റെ നിര്യാണം നമ്മുടെ സര്‍ഗാത്മകമായ മാധ്യമ ലോകത്തിന് കനത്ത നഷ്ടമാണെന്നും രമേശ് ചെന്നിത്തല അനുശോചന സന്ദേശത്തില്‍ പറഞ്ഞു.