കര്ണാടക പിസിസി അധ്യക്ഷനായി അധികാരമേറ്റ ഡി.കെ ശിവകുമാറിനെ ഫോണില് വിളിച്ച് അഭിനന്ദിച്ച് രാഹുല് ഗാന്ധി. ഡി.കെയുടെ സ്ഥാനാരോഹണച്ചടങ്ങിനിടെയായിരുന്നു രാഹുല് ഗാന്ധിയുടെ ഫോണ് എത്തിയത്. കർണാടകയിലെ ഓരോ മനുഷ്യരുടെയും മനസ് അറിഞ്ഞ് പ്രവർത്തിക്കാൻ ഡി.കെ ശിവകുമാറിന് കഴിയുമെന്ന് പ്രതീക്ഷിക്കുന്നതായി രാഹുൽ ഗാന്ധി പറഞ്ഞു. കൊവിഡ്– സാമ്പത്തിക പ്രതിസന്ധിയിൽ കഷ്ടത അനുഭവിക്കുന്നവർക്കായി കോൺഗ്രസ് പ്രവർത്തകർക്ക് ഒട്ടേറെ കാര്യങ്ങൾ ചെയ്യാനുണ്ടെന്നും, ഓരോ കോൺഗ്രസ് പ്രവർത്തകനെയും ഒപ്പം കൂട്ടി പ്രവർത്തിക്കണമെന്നും രാഹുൽ ഗാന്ധി ഫോണിലൂടെ ഡികെയോട് ആവശ്യപ്പെട്ടു. ഒരുമിച്ച് മുന്നേറുമെന്നും വിജയിക്കുമെന്നും ഡി.കെ വേദിയിൽ വച്ചുതന്നെ അദ്ദേഹത്തിന് ഉറപ്പുകൊടുത്തു. ഈ വിഡിയോ ഡി.കെ ശിവകുമാര് ട്വിറ്ററിലൂടെ പങ്കുവച്ചു.
കൊവിഡ് മാനദണ്ഡങ്ങള് പാലിച്ച് ബാംഗ്ലൂരില് നടന്ന സ്ഥാനാരോഹണ ചടങ്ങ് എ ഐ സി സി ജനറൽ സെക്രട്ടറി കെ.സി വേണുഗോപാല് എം.പി ഉദ്ഘാടനം ചെയ്തു. മുൻ പ്രദേശ് കോണ്ഗ്രസ് കമ്മിറ്റി അധ്യക്ഷൻ ദിനേശ് ഗുണ്ട് റാവു, മുൻ മുഖ്യമന്ത്രി സിദ്ധരാമയ്യ, എ ഐ സി സി ജനറൽ സെക്രട്ടറി മല്ലികർജ്ജുൻ ഖാർഗെ തുടങ്ങിയ നേതാക്കൾ ചടങ്ങിൽ സാന്നിധ്യം അറിയിച്ചു.
കർണാടകയിലെ കോണ്ഗ്രസിനെ മാസ് പാർട്ടിയിൽ നിന്ന് കേഡർ പാർട്ടിയാക്കി മാറ്റുമെന്ന് ഡി കെ ശിവകുമാർ സ്ഥാനം ഏറ്റെടുത്തുകൊണ്ട് പറഞ്ഞു. പൂർണമായും കൊവിഡ് മാനദണ്ഡങ്ങൾ പാലിച്ചായിരുന്നു ഡി കെയുടെ സ്ഥാനാരോഹണച്ചടങ്ങ്. 7800ലധികം കേന്ദ്രങ്ങളില് ചടങ്ങ് ഓണ്ലൈനായി പ്രദർശിപ്പിച്ചു.
Thank you Shri @RahulGandhi for calling and wishing me and lakhs of Congress Karyakartas who are connected digitally.
We will follow your instructions and put in our full effort to serve the people of Karnataka and bring Congress back to power in the state.#PratijnaDina pic.twitter.com/UI7eyJkJgC
— DK Shivakumar (@DKShivakumar) July 2, 2020