മാഹാരാഷ്ട്രയില് ധനികരും ദരിദ്രരും തമ്മിലാണ് പോരാട്ടം ; ലോക്സഭ പ്രതിപക്ഷ നേതാവ് രാഹുല് ഗാന്ധി
Jaihind TV News Report
Jaihind TV Web Desk
November 18, 2024
1 min read
•
Updated: June 06, 2026
മഹാരാഷ്ട്ര : മഹാരാഷ്ട്രയില് പ്രധാനമന്ത്രി നരേന്ദ്രമോദിയെ പരിഹസിച്ച് ലോക്സഭ പ്രതിപക്ഷ നേതാവ് രാഹുല് ഗാന്ധി. രാജ്യത്ത് അദാനി മാത്രം സുരക്ഷിതമെന്ന് രാഹുല് ഗാന്ധി പറഞ്ഞു. മാഹാരാഷ്ട്രയില് ധനികരും ദരിദ്രരും തമ്മിലാണ് പോരാട്ടം . ധാരവി ഭൂമിയില് കണ്ണുനട്ട് അദാനി നില്ക്കുയാണ് ,പാവപ്പെട്ടവരുടെ ഭൂമി വരെ കോര്പ്പറേറ്റുകള്ക്ക് വില്ക്കുമെന്നും രാഹുല് ഗാന്ധി മാധ്യമങ്ങളോട് പറഞ്ഞു.
അദാനിക്ക് ആവശ്യമുള്ളതെല്ലാം നല്കാനാണ് നരേന്ദ്രമോദിയുടെ ശ്രമമെന്നും രാഹുല് ഗാന്ധി പറഞ്ഞു. ഒന്നിച്ചാല് രക്ഷയെന്ന മോദിയുടെ പരാമര്ശം അദാനിയെ ഉദ്ദേശിച്ചുള്ളതാണെന്നും രാഹുല് പറഞ്ഞു. മഹാരാഷ്ട്രയിലെ തെരഞ്ഞെടുപ്പിന്റെ പരസ്യ പ്രചാരണം അവസാനിക്കുന്നതിന് മുന്പ് മുംബൈയില് നടത്തിയ വാര്ത്താസമ്മേളനത്തിലാണ് വിമര്ശനം.
ഏക് ഹെ തോ സേഫ് ഹെ എന്ന് മോദി തെരഞ്ഞെടുപ്പ് പ്രചാരണ റാലിയില് പ്രസംഗം നടത്തിയിരുന്നു. ഹിന്ദു ഐക്യത്തെക്കുറിച്ച് ബിജെപി നേതാക്കള് നടത്തിക്കൊണ്ടിരുന്ന പ്രസംഗങ്ങളുടെ തുടര്ച്ചയായിരുന്നു അത്. ഇതിനെതിരെയാണ് ഒന്നിച്ച് നിന്നാല് രക്ഷയെന്ന് മോദി പറയുന്നത് അദാനിയെക്കുറിച്ചെന്നാണ് രാഹുല് ഗാന്ധിയുടെ പരിഹാസം. ഒപ്പം സേഫ് ലോക്കറില് നിന്ന് ധാരാവിയുടെ മാപ്പും പുറത്തെടുത്തു. ധാരാവി പുനര്വികസന പദ്ധതിയിലൂടെ ധാരാവിയിലെ ഭൂമി കൂടി അദാനിക്ക് തീറെഴുതാനുളള ശ്രമമാണ്. രാജ്യത്ത് തുറമുഖങ്ങളും വിമാനത്താവളങ്ങളും എന്നുവേണ്ട എന്തും അദാനിക്ക് നല്കാന് മോദി ഒരുക്കമാണെന്നും രാഹുല് കുറ്റപ്പെടുത്തി.
എഐസിസി ജനറല് സെക്രട്ടറി കെ.സി വേണുഗോപാല് , കോണ്ഗ്രസ് പ്രവര്ത്തക സമിതി അംഗം രമേശ് ചെന്നിത്തല എന്നിവര് രാഹുല് ഗാന്ധിക്ക് ഒപ്പമുണ്ടായിരുന്നു.
MOST POPULAR
LIVE
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.
IN THIS SECTION
Related Articles
15
Latest Updates
10
Editor's Picks
8
Trending Articles
10