ജനവിധി ഇന്നറിയാം; എട്ടേകാലോടെ ആദ്യസൂചന; ആകാംക്ഷയോടെ രാജ്യം
Jaihind TV News Report
Jaihind TV Web Desk
May 23, 2019
1 min read
•
Updated: June 05, 2026
ന്യൂഡല്ഹി: രാജ്യം ആകാംക്ഷയോടെ കാത്തിരുന്ന വിധി ദിനം ഇന്ന്. ലോക്സഭാ തെരഞ്ഞെടുപ്പിന്റെ വോട്ടെണ്ണല് രാവിലെ എട്ട് മണി മുതല് ആരംഭിക്കും. ആദ്യഫല സൂചനകള് എട്ടേകാലോടെ ലഭിച്ചുതുടങ്ങുമെങ്കിലും വ്യക്തമായ ചിത്രം ലഭിക്കാന് 11 മണി ആകും. ഓരോ നിയമസഭാ മണ്ഡലത്തിലെയും അഞ്ച് ബൂത്തുകളില് വിവിപാറ്റ് കൂടി എണ്ണേണ്ടതിനാല് വൈകീട്ട് ആറോടെയാകും ഔദ്യോഗിക ഫല പ്രഖ്യാപനം. ഏപ്രില് 11 മുതല് ഈ മാസം 19 വരെ ഏഴ് ഘട്ടങ്ങളിലായി നടന്ന വോട്ടെടുപ്പില് പോളിങ് 67.11 ശതമാനമാണ്.
കേരളത്തില് മൊത്തം രണ്ട് കോടിയിലേറെ വോട്ടര്മാരാണ് വോട്ട് രേഖപ്പെടുത്തിയത്. 227 സ്ഥാനാര്ഥികളില് നിന്നാണ് 20 പേരെ തെരഞ്ഞെടുക്കുന്നത്. വോട്ടെണ്ണല് കേന്ദ്രങ്ങളില് സംസ്ഥാന പൊലീസ് സേന പ്രവേശിക്കുന്നതു തെരഞ്ഞെടുപ്പ് കമ്മീഷന് വിലക്കിയിട്ടുണ്ട്. തപാല് വോട്ടിലെ വ്യാപക ക്രമക്കേടു കണക്കിലെടുത്ത്, വോട്ടെണ്ണല് കേന്ദ്രത്തില് പക്ഷം ചേര്ന്നുള്ള ഇടപെടലുകള് ഒഴിവാക്കാനാണിത്.
വോട്ടെണ്ണല് കേന്ദ്രത്തില് കേന്ദ്ര സേനയ്ക്കു മാത്രമാണു സുരക്ഷാ ചുമതല. പുറത്തെ സുരക്ഷ കേരള സായുധ സേനയ്ക്കാണ്. കേന്ദ്രത്തിന്റെ 100 മീറ്റര് പരിധിക്കു പുറത്താണു ലോക്കല് പൊലീസിന്റെ അധികാര പരിധി.
MOST POPULAR
LIVE
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.
IN THIS SECTION
Related Articles
15
Latest Updates
10
Editor's Picks
8
Trending Articles
10