സംസ്ഥാനത്ത് ഇന്ന് പുതിയതായി ആർക്കും കോവിഡ് സ്ഥിരീകരിച്ചിട്ടില്ല. 25,603 പേർ സംസ്ഥാനത്ത് ആകെ നിരീക്ഷണത്തിലുണ്ട്. 237 പേർ ആശുപത്രികളിലും 25,366 പേർ വീടുകളിലും നിരീക്ഷണത്തിലാണ്. 57 പേരെ പുതുതായി ആശുപത്രിയിൽ പ്രവേശിപ്പിച്ചു. 7,861 പേരാണു പുതിയതായി നിരീക്ഷണത്തിലുള്ളത്. 4,622 പേരെ രോഗബാധയില്ലെന്നു കണ്ട് നിരീക്ഷത്തിൽനിന്ന് ഒഴിവാക്കി.പുതിയതായി 2,550 സാംപിളുകൾ പരിശോധനയ്ക്കയച്ചു. അതിൽ 2,140 സാംപിളുകൾ നെഗറ്റീവാണ്. കൂടുതൽ രോഗബാധിതർ ഉണ്ടാകാതിരിക്കാൻ കൂടുതൽ ആളുകൾ പരിശോധനയ്ക്ക് വിധേയമാകണം എന്നും അദേദഹം ആവശ്യപ്പെട്ടു.

അതേസമയം, കാവിഡ് 19 ബാധയെ തുടർന്ന് കളമശ്ശേരി മെഡിക്കൽ കോളജിൽ പ്രവേശിപ്പിച്ച വിദേശ പൗരന് എച്.ഐ.വി. മരുന്ന് നൽകി ചികിത്സ ആരംഭിച്ചു.സംസ്ഥാന മെഡിക്കൽ ബോർഡിന്റെ അനുമതിയോടെയാണ് ചികിത്സ ആരംഭിച്ചിരിക്കുന്നത്.