തൃശൂർ: നവകേരള സദസിനിടെ സ്റ്റേജിലേക്ക് ഓടിക്കയറാൻ ശ്രമിച്ച യുവാവിനെ പോലീസ് കസ്റ്റഡിയിലെടുത്തു. വടക്കാഞ്ചേരിയിലാണ് സംഭവം. ആര്യമ്പാട് സ്വദേശി റഫീഖ് ആണ് പോലീസിന്‍റെ പിടിയിലായത്. മുഖ്യമന്ത്രി പ്രസംഗം അവസാനിപ്പിച്ചതിനു പിന്നാലെ യുവാവ് സ്റ്റേജിലേക്ക് ഓടിക്കയറാൻ ശ്രമിക്കുകയായിരുന്നു. ഉടൻ തന്നെ പോലീസ് ഇയാളെ തടയുകയും സ്ഥലത്തു നിന്ന് നീക്കുകയും ചെയ്തു. പിന്നീട് ഇയാളെ പോലീസ് കസ്റ്റഡിയിലെടുക്കുകയായിരുന്നു. നേരത്തെ മുഖ്യമന്ത്രിയുടെ ഓഫീസിലേക്ക് പരാതി നൽകിയിരുന്നെങ്കിലും പരിഹാരമായില്ലെന്ന് പറഞ്ഞാണ് യുവാവ് സ്റ്റേജിലേക്ക് കയറാൻ ശ്രമിച്ചതെന്നാണ് പറയുന്നത്.