തിരുവനന്തപുരം: മുഖ്യമന്ത്രിയുടെ പ്രൈവറ്റ് സെക്രട്ടറി സ്ഥാനത്തുനിന്ന് എം.വി. ജയരാജന് രാജിവെച്ചതിന് പിന്നാലെ മുഖ്യമന്ത്രിയുടെ ഓഫീസിലെ പടലപ്പിണക്കങ്ങളും ശീതസമരവും മൂര്ച്ഛിച്ചു. ഇതോടെ പ്രിന്സിപ്പല് സെക്രട്ടറി നളിനി നെറ്റോയും സ്ഥാനം ഒഴിയുന്നതായി സൂചന. മുഖ്യമന്ത്രിയുടെ ഓഫീസിലുള്ളവരുമായുള്ള അഭിപ്രായ വ്യത്യാസമാണ് രാജിക്ക് കാരണം. എന്നാല് തെരഞ്ഞടുപ്പ് കഴിയുന്നതുവഴി തുടരാന് നളിനി നെറ്റോയോട് മുഖ്യമന്ത്രി ആവശ്യപ്പെട്ടിട്ടുണ്ട്. മുഖ്യമന്ത്രിയായി അധികാരത്തില
പിണറായി വിജയന് മുഖ്യമന്ത്രി പദവി ഏറ്റെടുത്ത ശേഷം നടത്തിയ പ്രധാന നിയമനങ്ങളില് ഒന്നായിരുന്നു നളിനി നെറ്റോയുടേത്. പിണറായി സര്ക്കാര് അധികാരത്തിലെത്തുമ്പോള് അഭ്യന്തര സെക്രട്ടറിയായിരുന്ന നളിനി നെറ്റോയെ മുഖ്യമന്ത്രി തന്റെ ഓഫീസിലെ പ്രിന്സിപ്പല് സെക്രട്ടറിയായി നിയമിച്ചിരുന്നു.
യുഡിഎഫ് സര്ക്കാരിന്റെ കാലത്ത് ലാവ്ലിന് കേസില് പിണറായി വിജയനെ വെറുതെ വിട്ട സിബിഐ കോടതി വിധിക്കെതിരെ അപ്പീല് നല്കാനുള്ള സര്ക്കാര് തീരുമാനത്തെ എതിര്ത്തതോടെയാണ് സിപിഎമ്മുമായുള്ള നളിനി നെറ്റോയുടെ അടുപ്പം കൂടുന്നത്. അഭ്യന്തര സെക്രട്ടറി സ്ഥാനത്തും സംസ്ഥാനത്തിന്റെ ചീഫ് സെക്രട്ടറിയായ നളിനി നെറ്റോ സര്വ്വീസില് നിന്നും റിട്ടയര് ചെയ്ത ശേഷം വീണ്ടും മുഖ്യമന്ത്രിയുടെ ഓഫീസിലെ ചീഫ് പ്രിന്സിപ്പല് സെക്രട്ടറിയായി നിയമിക്കപ്പെട്ടു.
ആദ്യംകാലങ്ങളില് പ്രധാനപ്പെട്ട പല ഫയലുകളും കൈകാര്യം ചെയ്ത നളിനി നെറ്റോയക്ക് പക്ഷെ പിന്നീട് മുഖ്യമന്ത്രിയുടെ ഓഫീസില് പിടി അയഞ്ഞു തുടങ്ങി. ഓഫീസിലെ ചില ഉന്നതരുമായുള്ള ശീതയുദ്ധമായിരുന്നു കാരണം. ഇതോടെ ഫയലുകള് ചീഫ് പ്രിന്സിപ്പല് സെക്രട്ടറിയുടെ അടുത്തേക്ക് എത്താതായി. മുഖ്യമന്ത്രിയുടെ ഓഫീസിലെ തര്ക്കങ്ങള് പലപ്പോഴും പരിഹരിച്ചിരുന്നത് മുഖ്യമന്ത്രിയുടെ പ്രൈവറ്റ് സെക്രട്ടറിയും സിപിഎം നേതാവുമായ എം.വി.ജയജയരാജനായിരുന്നു.