സംസ്ഥാനത്ത് മില്‍മ പാലിന് വില കൂട്ടും; 10 രൂപ വരെ വർധിപ്പിക്കാന്‍ ശുപാർശ

Jaihind Webdesk
Monday, November 14, 2022

 

തിരുവനന്തപുരം: സംസ്ഥാനത്ത് പാൽ വില വർധിക്കും. മില്‍മ പാല്‍ വില ആറ് മുതല്‍ 10 രൂപവരെ വര്‍ധിപ്പിക്കണമെന്ന് വിദഗ്ധ സമിതിയുടെ ശുപാര്‍ശ ചെയ്തു. വിഷയം പഠിച്ച രണ്ടംഗ വിദഗ്ധ സമിതിയാണ് ശുപാര്‍ശ നല്‍കിയത്. കാര്‍ഷിക, വെറ്റിനറി സര്‍വകലാശാലകളിലെ വിദഗ്ധര്‍ നടത്തിയ പഠനത്തിന്‍റെ ഇടക്കാല റിപ്പോര്‍ട്ട് സര്‍ക്കാരിന് സമര്‍പ്പിച്ചു.

പാൽവില കൂട്ടുന്നത് സംബന്ധിച്ച് ഇടക്കാല റിപ്പോർട്ട് ലഭിച്ചതായും വിശദമായി പരിശോധിച്ച ശേഷം വരും ദിവസങ്ങളിൽ തീരുമാനമുണ്ടാകുമെന്നും മന്ത്രി ജെ ചിഞ്ചു റാണി പ്രതികരിച്ചു. പാൽവില വർധിപ്പിക്കേണ്ടത് ആവശ്യമാണെന്നും എത്ര രൂപ വർധിപ്പിക്കണമെന്ന കാര്യം മിൽമയുമായി ആലോചിച്ച് സർക്കാർ തീരുമാനമെടുക്കുമെന്നും മന്ത്രി കൊല്ലത്ത് പറഞ്ഞു.