ന്യൂഡല്ഹി : ലക്ഷദ്വീപിൽ നടപ്പാക്കുന്ന നിയമങ്ങളിൽ കടുത്ത ആശങ്ക അറിയിച്ച് മുതിർന്ന ഐ.എ.എസ് ഉദ്യോഗസ്ഥർ പ്രധാനമന്ത്രിക്ക് കത്തയച്ചു. വികസനമെന്ന പേരിൽ നടക്കുന്നത് അസ്വാസ്ഥ്യമുണ്ടാക്കുന്ന സംഭവവികാസങ്ങളാണെന്നും ദ്വീപുകാരുടെ പങ്കാളിത്തത്തോടെ അനുയോജ്യമായ വികസന മോഡലാണ് നടപ്പാക്കേണ്ടതെന്നും അവർ ആവശ്യപ്പെടുന്നു.
മുൻ ദേശീയ സുരക്ഷ ഉപദേഷ്ടാവ് ശിവശങ്കർ മേനോൻ, മുൻ പ്രസാർ ഭാരതി സി.ഇ.ഒ ജവഹർ സർകാർ, മുൻ വിദേശകാര്യ സെക്രട്ടറി സുജാത സിങ്, പ്രധാനമന്ത്രിയുടെ മുൻ ഉപദേഷ്ടാവ് ടി.കെ.എ നായർ, മുഖ്യ വിവരാവകാശ കമീഷൻ മുൻ മേധാവി വജാഹത് ഹബീബുല്ല എന്നിവരുൾപ്പെടെ 93 പേരാണ് കത്തിൽ ഒപ്പുവെച്ചത്.