കൊച്ചി : ലക്ഷദ്വീപ് അഡ്മിനിസ്ട്രേറ്റർ പ്രഫുല് പട്ടേലിന് തിരിച്ചടി. ദ്വീപിലെ അസിസ്റ്റന്റ് പബ്ലിക് പ്രോസിക്യൂട്ടര്മാരുടെ സ്ഥലംമാറ്റം ഹൈക്കോടതി സ്റ്റേ ചെയ്തു. പ്രോസിക്യൂട്ടര്മാരെ കോടതി ചുമതലകളില്നിന്ന് നീക്കി സര്ക്കാര് ജോലികള്ക്ക് നിയോഗിച്ച നടപടിയാണ് സ്റ്റേ ചെയ്തത്. അഡ്മിനിസ്ട്രേഷന്റെ നടപടി കോടതിയുടെ പ്രവര്ത്തനങ്ങള് സ്തംഭിപ്പിച്ചെന്ന് പറഞ്ഞ ഹൈക്കോടതി അഡ്മിനിസ്ട്രേഷന് വിശദീകരണം നല്കണമെന്നും ആവശ്യപ്പെട്ടു . ദ്വീപിൽ നടക്കുന്ന കാര്യങ്ങൾ അറിയുന്നുണ്ടെന്നും കോടതി ചൂണ്ടിക്കാട്ടി.